Қазақ және орыс тілдері кафедрасы

Құрметті әріптестер, студенттер, сайт қонақтары!

Қазақ ұлттық аграрлық университеті сайтының Қазақ және орыс тілдері кафедрасының парақшасына қош келдіңіздер!

Сонау ерте дәуірден бастап қазақтың тұрмыс-тіршілігі малшаруашылығымен тығыз байланысты болғаны анық. Қазақ ғылымы ауылшаруашылығы терминдеріне өте бай. Қазақ терминологиялық қорынан осы салаға қатысты төл терминдерді көптеп кездестіруге болады. Десек те, бүгіндері ғылыми-технологияның қарыштап дамуының нәтижесінде ауылшаруашылық технологиялары да сәйкесінше, жаңа бағытқа қарай бет бұруда. Әлемде ауылшаруашылығын дамытуға байланысты жаңалықтар көптеп ашылуда. Осыған сәйкес жаңа ғылыми ұғымдар мен атаулар да ойлап табылуда. Осы жаңа терминдерді тілімізге игеруде біршама қиындықтар туындап жатқаны да белгілі. Бұл – Қазақстанның тіл саясатындағы үлкен проблемалық мәселелердің бірі. Қазіргі кезде орын алып отырған осы мәселелерді оң бағытта шешу жаңаша білім алушы, білікті ұрпақтың еншісінде.

Құрметті талапкерлер, құрметті студенттер! Сіздер біздің университетімізден білім алу арқылы ауылшаруашылығын басқарудың заманауи үлгісіне қол жеткізе аласыздар. Біздің университеттің әлеуеті білікті маман даярлауға толықтай сәйкес келеді. Ауылшаруашылығы – бұл біздің ата кәсібіміз. Бүгіндері Қазақстан экономикасының белгілі бір үлесін көтеріп тұрған ауылшаруашылық өнімдері, келешекте, ел экономикасын дамытудың негізгі көздерінің біріне айналары сөзсіз. Сіз мамандық таңдауда дұрыс таңдау жасамақшысыз, жасадыңыз.

Қазақ және орыс тілдері кафедрасының қысқаша тарихы.Кафедра тарихы 1929 жылдан басталады. 30-шы жылдары кафедрада доцент қызметін атқарған Мұхтар Омарханұлы Әуезов кафедраның қалыптасуы мен дамуына елеулі үлес қосқан. Бүгінгі күнге дейін кафедраны әр жылдары еліміздегі тіл білімінің белгілі, өзіндік орны бар ғылымдары басқарып келеді.

Қазақ және орыс тілдері кафедрасыныңмиссиясы. Білім алушыларға тіл туралы ғылымның негізімен таныстыру, тіл білімінің түрлі ғылым салаларымен байланысын таныту, тілдің өзіндік заңдылығы мен стильдік ерекшелігін меңгерту.

Қазақ және орыс тілдері кафедрасыныңбүгіні. Кафедрада 2 ғылым докторы, 5 ғылым кандидаты, 4 педагогика магистрі, 5 аға оқытушы, 1 оқытушы жұмыс істейді. Аталған оқытушылар ҚР БҒМ ұсынған қазақ және орыс тілдеріндегі пәндер бойынша көптеген оқулықтар мен оқу құралдарының авторлары.

Қазақ және орыс тілдері кафедрасыныңболашағы.

- Тілдерді меңгертуде деңгейлеп оқытудың технологиясын енгізу;

- Әр деңгейге арнап заманауи оқу құралдары мен әдістемесін жасау;

- Кафедра жанын «Терминологиялық орталық» ашу;

- Ауылшаруашылығы терминдерінің электронды базасын жасау.

Қазақ және орыс тілдері

кафедрасының меңгерушісі,

филология ғылымдарының кандидаты

Жонкешов Бауыржан Сейсенбекұлы