Дене тәрбиесі және спорт кафедрасы

Құрметті әріптестер, студенттер және біздің сайттың қонақтары!

Қазақ ұлттық аграрлық зерттеу университетінің «Дене тәрбиесі және спорт кафедрасы» сайтына хош келдіңіздер!

Жоғары оқу орнындағы дене шынықтыру болашақ маманның жеке басының жалпы және кәсіби мәдениетін қалыптастыру жөніндегі ұлттық бағдарламаның ажырамас бөлігі болып табылады. Дене шынықтыру барлық мамандықтар үшін міндетті оқу пәні. Дене шынықтыру студеттерді жан-жақты дамыған тұлға ретінде қалыптастыруда, салауатты өмір салтын ұстанудың саналы қажеттілігін тәрбиелеуде және кәсіби дайындық процесінде студенттердің физикалық және психофизикалық жағдайын оңтайландырудың ерекше құралы болып табылады.

Дене шынықтыру сабақтары білім беру, тәрбие және сауықтыру міндеттерін шешуді қарастырады.

Кафедраның тәрбие жұмысы университет студенттерін спорттық-бұқаралық іс-шаралар мен спорттық секцияларға белсенді тарту арқылы салауатты өмір салтын қалыптастыру болып табылады. Студенттер жыл сайын спартакиадаларға, қалалық және Медеу әкімдіктері өткізетін көптеген жарыстарға қатысады (қалалық жеңіл атлетикалық жарыстар, флешмобтар, футбол, волейбол, шахмат, үстел теннисі және басқа да спорт түрлерінен жарыстар жәнет.б.).

Кафедраның профессорлық-оқытушылық құрамы студенттерге спорттың әр түрі бойынша оқу-жаттығу сабақтарын өткізеді: бокс, еркін күрес, қазақ күресі, самбо, дзюдо, жеңіл атлетика, волейбол (ерлер, әйелдер), баскетбол (ерлер, әйелдер), футбол, фитнес - аэробика, тоғызқұмалақ, шахмат, үстел теннисі.

Кафедра жұмысының қорытындысы көптеген спорт түрлері бойынша Қазақстан Республикасы мен әлем чемпиондарын және ҚР Универсиадасының жүлдегерлерін дайындау болды:

- 2001 ж. ҚР жоғары оқу орындарының I-ші Жазғы Универсиадасында қазақ күресінен біздің команда чемпион атанды;

- 2003 ж. ҚР ЖОО-ның II-ші Жазғы Универсиадасында боксшылар командасы мен ерлер волейбол командасы I-орынды иеленді;

- 2005 ж. ҚР жоғары оқу орындарының III-ші Жазғы Универсиадасында жағажай волейбол командасы мен боксшылар командасы I-ші орынды иеленді;

- 2007 ж. ҚР ЖОО-ның IV жазғы Универсиадасында волейболдан университеттің ерлер құрама командасы және жағажай волейболынан ерлер құрама командасы чемпион атанды;

- 2007 ж. I-ші Қысқы Универсиадада университеттің ерлер құрама командасы баскетболдан III-ші орынға ие болды, ал қыздар командасы мини-футболдан II-ші орынға ие болды;

- 2009 жылғы V-ші жазғы Универсиадада университет құрама командасы чемпион атанды, ал волейболдан ерлер құрама командасы күміс жүлдегер атанды;

- 2011 жылғы VI жазғы Универсиадада университеттің ерлер құрама командасы волейболдан чемпион атанды;

- 2013 жылғы VII-ші жазғы Универсиадада университеттің ерлер құрама командасы волейболдан 1 орын алды;

- 2016 жылғы VI-ші Қысқы Универсиадада Қазақ ұлттық аграрлық университетінің командасы Универсиаданың жалпы есебі бойынша қола жүлдегер атанды.

Қазіргі уақытта кафедраның профессорлық-оқытушылар құрамында 1 педагогика ғылымдарының кандидаты, 1 доцент, 1 КСРО спорт шебері, 2 ҚР спорт шебері және 4 спорт шеберіне кандидат мамандар қызмет атқарады.

Кафедра меңгерушісі п.ғ.к. Туякбаева Меруерт Шекеевна