Ректор туралы

1983 ж. Ақылбек Күрішбаев Қазақ ауылшаруашылық институтын «Агрохимия және топырақтану» мамандығы бойынша үздік бітірді.
1977 ж. еңбек жолын Алматы облысы Талғар ауданындағы МРСХО бірлестігінде комбайнер болып бастаған.
1983 ж. В.Вильямс атындағы Қазақ егіншілік ғылыми-зерттеу институтының лаборанты болған.
1984 ж. аспирантураға оқуға түскен.
1986 – 1997 ж.ж. В. Вильямс атындағы Қазақ егіншілік ғылыми-зерттеу институтында кіші ғылыми қызметкер, кәсіподақ төрағасы, аға ғылыми қызметкер, директордың ғылым жөніндегі орынбасары лауазымдарында қызмет атқарған.
1997 – 2002 ж.ж. А.И.Бараев атындағы астық шаруашылығы ғылыми-зерттеу институтының директоры болған.
2002 – 2005 ж.ж. Қазақстан Республикасының Ауыл шаруашылығы вице-министрі лауазымын атқарған.
2006 ж. ҚР АШМ Ғылым департаментінің директоры болып тағайындалған.
2007 ж. Қазақстан Республикасының Ауыл шаруашылығы вице-министрі болып қайта тағайындалған.
2008 – 2011 ж.ж. Қазақстан Республикасының Ауыл шаруашылығы министрі лауазымын атқарған.
2011 – 2020 ж.ж. «С.Сейфуллин атындағы Қазақ агротехникалық университеті» Акционерлік қоғамының Басқарма Төрағасы болған.
2020 ж. тамыз айы – 2022 ж. қазан айы аралығында Қазақстан Республикасы Парламенті Сенатының депутаты болған.
2022 ж. 1 қарашада «Қазақ Ұлттық аграрлық зерттеу университеті» КеАҚ Басқарма Төрағасы – Ректоры лауазымына тағайындалды.

2005 ж. – «Қазақстан Конституциясына 10 жыл» мерекелік медалі;
2006 ж. – «Қазақстанның еңбек сіңірген қайраткері» төсбелгісі;
2008 ж. – «Астанаға 10 жыл» мерекелік медалі;
2011 ж. – «Қазақстан Республикасының тәуелсіздігіне 20 жыл» меркелік медалі;
2012 ж. – «Құрмет» ордені;
2015 ж. – «Қазақстан Конституциясына 20 жыл» мерекелік медалі;
2015 ж. – «Қазақстан халқы Ассамблеясына 20 жыл» мерекелік медалі;
2016 ж. – «Қазақстан Республикасының тәуелсіздігіне 25 жыл» мерекелік медалі;
2018 ж. – «Парасат» ордені;
2018 ж. – «Астанаға 20 жыл» мерекелік медалі;
2019 ж. – «Amanat» партиясының «Белсенді қызметі үшін» төсбелгісі;
2020 ж. – «Қазақстан Конституциясына 25 жыл» мерекелік медалі;
2021 ж. – «Қазақстан Республикасының тәуелсіздігіне 30 жыл» мерекелік медалі;
2021 ж. – «Алматы облысының Құрметті азаматы» атағы.
"Amanat" партиясы Саяси кеңесінің мүшесі.

Студенттер – еліміздің болашағы. Қоғамның дамуы мен мемлекет күш-қуатының артуына алдағы уақытта барынша үлес қосатын, елді өркендететін бәсекеге қабілетті білікті мамандар да солар. Сондықтан студенттер қауымына қамқорлық жасау – қоғам мен мемлекеттің ең басты міндеттерінің бірі. ҚазҰАЗУ студенттері өздерімен ашық диалог ұйымдастырған университет басшылығына ризашылығын білдіріп, әділетті университет құру үшін ұстаздармен бірге ынтымақтаса белсенділік танытатындарын және жақсы оқып, үлгілі студент атанып, елімізге адал қызмет етуге әрқашан дайын екендіктерін жеткізді, – деп атап өтті Ақылбек Күрішбаев студент жастармен кездесуінде (08 қараша 2022 ж.).

«Жемқорлықсыз әділетті университет құру – біздің түпкі мақсатымыз. Біз оқытушылар мен студенттер арасында қандай да бір сыбайластық көріністерінің болуына жол бермеуіміз керек, жастарды жемқорлыққа төзбеуге, сыбайлас жемқорлыққа қарсы мәдениет деңгейін жоғарылатуға, сол арқылы оқу процесінің сапасын көтеруге ықпал етуге шақырамын. Бүгінгідей өзара сенімге негізделген шаралар сыбайлас жемқорлыққа қарсы қозғалыстың негізі болып табылады», – деді Ақылбек Қажығұлұлы студент жастармен кездесуінде (08 қараша 2022 ж).

«Біздің университеттің басты миссиясы – жаңа заман талабына сай бәсекеге қабілетті мықты кадрлар даярлау мен ғылыми ізденістерге қол жеткізу. ҚазҰАЗУ-дың ауыл шаруашылығы кешенін дамытуға ықпал ететін ғылыми зертханалар жұмысын халықаралық деңгейде күшейту, жаңа технологияларды трансферт жасау, ғылым жетістіктерін іс жүзінде оқу үдерісіне енгізу, ғылыми жобалар мен білікті мамандар тәрбиелеуді жаңаша жүргізуіміз қажет.
ҚазҰАЗУ-дың халықаралық бағдарламаларды қабылдап, қолдануға әлеуеті толық жеткілікті, студенттеріміздің әлемнің үздік университеттерінде оқи жүріп екінші диплом алуына мүмкіндігі бар. Гранттарды көбейте отырып, агроөнеркәсіптің өзекті мәселелері бойынша бірлескен ғылыми инновациялық зерттеулер жүргізу мен жаңа бағдарламаларды жүзеге асыруға күш саламыз. Мен университетіміздің іс жүзінде қызметтік құрылымы мен мазмұны бойынша әлемдік деңгейдегі зерттеу жоғары оқу орнына айналарына сенемін», – деді жас ғалымдар алдындағы сөзінде ректор Ақылбек Күрішбаев (12 қаңтар 2023 ж).

«ҚазҰАЗУ Эндаумент» қорын құрамыз. Бұл ретте, Қорға жинақталған қаражат түрлі мерекелік іс-шараларға емес, ең алдымен, тозығы жеткен жатақханаларды жаңғыртуға, ҚазҰАЗУ студенттерінің әлеуметтік-тұрмыстық жағдайларын жақсартуға бағытталады. Өйткені университетте оқитындар негізінен ауылдық жерлерден келген жастар, көпшілігі тұрмысы төмен отбасынан шыққандар. Сондықтан, Эндаумент қорынан түскен қаражат студенттердің әлеуметтік-тұрмыстық жағдайларын жақсартуға жұмсалады, – деді ректор Ақылбек Күрішбаев университеттің аппаратық жиналысында (18 қараша 2022 ж).